死緊...快d重生?!

呵呵, 好耐好耐冇寫blog了...

積左好多好多東東未寫,比較想/要寫的有 較早前的韓國之旅, 小琪生日, 大B牛一, 和剛剛的澳洲遊...呵呵, 賣少少關子, 我在澳洲同小琪....玩左SkyDive!!!! 詹sir 口吻, UNBELIEVLABLE!!!

係, 世事就係咁奇...我想寫多d, 不過可能要等一下, 因為而家未係時候, 重生後再寫.... ^0^!!!

的士阿伯

頭先搭的士, 搭左$20.6, 個阿伯手車好Q慢...燈位又老遠慢溜...又cut唔到線, 又dum 我波鐘, 本來$15車程搞掂, 搞到要比$20.6...即刻火都來...

我嬲嬲地只係比張 $20 紙佢(比多佢啦), 佢夠膽死話我要比$20.6, 我心諗 "What 柒 u talking about???

我比多張$10佢, 佢找返$9蚊比我...唔係見佢老又趕時間, 實同佢玩野, 叫佢找多4毫比我($20.6麻)!!!! 哼!!!

落左車不禁彈左佢一句, 咁老唔好揸的士啦!!!

破財擋災!!!

正所謂, 牽一髮, 動全身; 骨排效應; 一不離二, 二不離三; 福無雙至, 禍不單行..........

唉, 用咁多形容詞, 都係想形容我既心情~~

話說昨晚返去裝HID果間鋪頭調校下個燈影(因為裝左之後光係光, 不過比較散同照得唔遠), 調完之後好左D啦, 不過個師傅仔好心提下我話要換(前)胎喇喎....我一睇...嘩, 真係光光地頭之餘,仲比我見到兩隻前軚內側都好似比人用刀割左幾下咁, 係好明顯有幾條大約闊0.3-0.5cm, 長5-8cm 既痕. 其實之前都想換軚, 不過唔理唔理就算數..不過今次自己"睇"到, 都咪話唔驚.

大B揸左6年車, 都未試過去換軚, 呵呵, 因為之前d軚未到期已經賣鬼左架車了. 而家架車係15"軚軨, 都唔係好貴, 加上心理影響, 行行下爆咪大穫??(因為係前軚, 有一定危險) 而我又知道相熟車房隔離係有軚鋪, 咁就即刻落屯門了. (其實點都要去屯門, 因為約左契女老豆食飯)

點知去到車房, 刪左門. 好左間軚鋪未收工, 即刻又問下我個兩條前軚係咪就爆(其實答案都預左...)為左唔好比人搵太多笨, 我即刻撻朵啦, 話識隔離車房老闆的....呵呵, 又攀下關係先..不過間軚鋪個姐姐又幾老實, 話後面唔使換住, 一定要換左前面先, 如果唔係就隨時爆, 冇先兆的...主要原因係架車個軚尺唔準, 搞到八字腳(呵呵....)不過後面之後都要再check一check.

我問咩價位到, 佢就話韓國軚平d, 日本就貴d(我都知啦..)嗯, 咁我就要韓仔野, 因為我呢架野都唔飛得, 唔使R軚呀, 高性能街軚了...平平地就得, 不過195/55R15 (呢個係軚的size no., 咩軚都係咁的. 195 係闊, 55係條軚(軚壁)有幾"厚", 15 就係大小嚕(15") 都要$400/條..因為攀關係的原因, 每條收少$20. 哈哈!! 即係埋單$760.都ok啦, 如果係17"每條起碼$700, 如果唔換, 一來驚爆, 炒車(大吉利是)咪仲慘, 就算跪低, 叫拖車都$500啦, 好, 決定換.

換軚既過程都好快, 換完之後...嘩..冇咩唔同...嘿嘿..不過心理上就好好多..因為呢幾日都要用車(小琪18號生日麻...)星期五有時間先落去車房度軚尺嚕~

後記:唉..其實上星期屎忽痕, 約左人睇車的(我賣), 佢都ok岩, 我出價, 佢還價, 差少少就ok, 不過佢又唔肯比多少少, 而我又真係唔急放(賣左架車短時間都唔會買車住喇..短時間意思係..嘿嘿.), 賣左又冇車用, 而且我仲有半年牌費, 都係揸埋先賣嚕~ 如果賣左, 就唔會裝HID, 又唔使換軚, 可以慳返差唔多$2000呀...呢次真係當破財擋災啦!!!

換左HID, 車都靚D~

呵呵, 又寫下blog先..

本來約左觀塘揸fit人 - 呀鬧鐘哥上星期日一齊去換HID (氣 體 放 電 式 燈 組 High Indensity Discharge ), 但係我比人放飛機囉...XDDD

唔緊要, 反正間汽車音響鋪(唉, 唔開名啦, 反正我會數下間野既不是, 要知就pm我嚕)我屋企附近, 我就自己貢落去搞先.

之前一向對車頭燈都有要求, 因為之前試過頭燈唔夠光, 見唔到路面個窿而整爆左個頭剷, 勁唔開心....一路都想換HID Kit, 不過之前一路都係去買D Hid Bulb(見圖), HID Kit 貴麻, 下下過千先有交易, 不過而家好多牌子, 頂煉左個市...嘿嘿..我地先有平HID Kit用.



呢D Bulb都差唔多4, 5 佰蚊架, 但會比原廠光d, 白d.

不過HID Bulb, 因為係對應原廠之插座, 在電壓唔加強的情況下, 想光d其實都幾難. 咁岩之前用開對Hid Bulb 其中一隻燒了, 而又睇到屋企附近有平價的HID Kit 賣($699 + $150人工),當然係國產, 而其實而家國產產品的質量有番咁上下, 而且廣告話1年有壞1換1, 好, 就膽粗粗試一試.

Autoeye HID Kit





果日落住少少雨粉, 咁岩有條友裝緊防盜, 咁個師傅唯有"露天"咁幫我進行工程了. 其實HID Kit 同HID Bulb既分別, 在於HID Kit 有火牛跟, 會安全地提高電壓, 咁個燈管效能就會好好多. HID 有分4000k , 6000k , 8000k , 10000k , 同12000k; 分別在於黃光, 白光, 純白光, 偏藍白光, 同備紫白光. 開頭我想裝12000k(橫掂都係, 緊係玩盡佢..呵呵), 但佢又話好藍喎, 怕唔怕呀..我話咁10000k啦, 我XYZ..佢話10000k 同12000k要加$200.

我一心都係諗住平平地玩下,而且廣告又冇講要加$, 唉...廣告都係唔可以盡信. 佢話8000k夠架啦, 我在唔想加$$的情況下, 是但啦..開頭我諗住比佢check埋d音響, 不過我都唔係幾妥佢助地起價, 就比佢地裝HID算了...

D雨冇停過, 不過好彩係毛毛雨...其實都有少少驚影響個新燈..話哂都係電器野麻..不過個師傅又唔埋, 照裝...我都唔埋了, 都係果句, 有咩唔妥就去嘈佢, 反正在我屋企附近, 而且又有保養呢.

裝左大約20分鐘, 已經裝完, 開燈試過會發光, 師傅就lee li la la 咁開張單比我, 好似鬼鬼地.不過好在, 張單都白紙黑字寫明包12個月保用, 咩包, 咩唔包(雖然佢同我講有咩保養唔包時我係想嘈佢, 但係我都欣賞佢同我講左先, 好過之後有咩問題返去整佢先講. ), 仲有我比visa, 佢話要收3%charge, 但係佢廣告雞"la"咁大隻字寫住"歡迎visa/master card"... 唉, 無形中又比多廿幾蚊..(因為之前我聽過其實可以唔收的, 好似係銀行收d商鋪, 佢地轉嫁比我地消費者, 唔知係唔係??)

今次裝HID過程, 其實都唔係幾愉快, 唔係產品問題, 係因為果間野有d搵笨....不過算啦, 都裝左啦...唯有集中注意在product度...

因為係日頭既關係, 都唔係幾試到盞燈...之後夜晚先試到 -- 我覺得ok 喎, 比我之前只係HID Bulb 光起碼50%, 而且D光又白D, Yeah~

同觀塘揸fit人 - 呀鬧鐘哥講左, 佢都話要爽住裝...嘿嘿..老友, 手快有呀!!!

暢快哉!!!

呵呵, 好耐冇寫blog了.

不過昨天晚上打完xbox forza 後, 很是暢快. 事情係咁的, 我上網搵人一齊玩比賽, 入左去一個老外的 game room 內, 佢地準備開始玩 "
Nissan Speeyway" (一個隋圈圓型的跑道), 75個圈, 大約玩45分鐘左右. 我心諗ok啦, 上次玩過呢個場, 有d經驗...hehe...

我玩呢個賽車game, 一向都係友誼第一, 每次有入彎大家都唔讓路的時候, 我都會讓下路, 如果唔係實炒埋一碟. 呵呵, 強勢民俗即係強勢民俗, 其好勇鬥狠之心, 彼彼皆是. 我同一架車平排, 佢竟然突然從側邊撞我, 令我炒埋牆...好, 我忍, 記住佢個名先.(本來我第二, 撞左之後排第三) 跟住行多幾個圈, 我一路跟住佢尾, 終於等到佢前面自己炒左埋牆, 我正要過佢之際, 佢仲打橫架車諗住阻我, 好彩我避開左.

我頂..今次唔認啦, 又行多幾個圈, 佢追到上來, 我就突然一break, 比佢過, 之後再推住佢, 撞左幾下佢車尾..佢"典"下"典"下, 終於炒左埋牆嚕~~ 報到仇..呵呵.

本來我都唔係同圍撞人, 累人炒的, 呢次純粹係報復行為. 此為暢快一.

暢快二係, 我地玩75個圈, 係要入pit(維修區)的, 我計過, 一缸油可以行20個圈左右. 通常行十多個圈就會入pit入油了.我分別在16, 34, 55個圈入pit, 果鬼佬就在 16, 34, 54, 74個圈入pit..嘿嘿..聰明既你, 就會計到佢比我入多一次pit, 要知道賽車係玩時間....而入幾次pit, 幾時入pit, 絕對係車手既策略!!!

在第34個圈時, 係我跟住佢的, 佢入pit, 我又跟佢入...但其實平均速度係佢快d...如果用相同策略我係冇機會win. 雖然報到仇者, 但始終真正勝利先光彩...呵呵. 我在第50個圈左右係過左佢, 不過為左唔比佢撞我(之後佢一有機會就撞我), 我好小心咁玩...玩呀玩, 都唔入pit住, 其實已經冇咩油了..到左第54個圈, 我從後鏡見到佢終於忍唔住入左pit, 而我就博一博, 行多一圈, 在第55圈先入pit(已經係果缸油既第21個圈)...嘿嘿..勉強到左pit附近開始冇油, 慢慢由架車溜入去....

之後剩低果20個圈, 大家都好小心, 冇出錯, 佢係第2 , 我第3, 我跟住佢車尾......呵呵, 好戲來了, 我已經知道我已經唔使再入pit(因為之前講過, 一缸油大概可以行20個圈),可以捱到跑完第75圈, 而個老外, 到左第74個圈, 因為(驚)冇油既原因, 終於要迫住入pit加油. 哈哈!!! 大B哥戰略成功!! 就係咁, 我過左佢, win左第2嚕~

Um..點解咁暢快呢? 係因為一開始, 佢已經專登撞我幾次, 而我又報到仇; 另外, 我的入pit策略成功, 博到第55個圈遲對手1個圈先入pit; 最後仲win埋佢...而過終點時, 直頭可以講係吐了一口怨氣! 大快人心.

博派, 出發!!

尋晚睇左變型螂螂, 好得. 可以話係呢個暑假最得既戲. 144分鐘完全唔覺悶, 有感情位, 有笑位, 有呯鈴啪難既打鬥場面. 掂掂掂!!

之後出DVD, 會買隻收藏, 睇多次~

Yeah!!!

What city do u belong in?

呵呵, 睇左Mr.E個blog, 玩左一下 What city do u belong in?

You Belong in Rome

You're a big city soul with a small town heart Which is why you're attracted to the romance of Rome Strolling down picture perfect streets, cappuccino in hand And gorgeous Italian people - could life get any better?

好like果句 - You're a big city soul with a small town heart. 中哂!!!

游水呀~

呵呵, 在星期一假期我同小琪約左契女一家去會所游水. 諗諗下, 我搬左入去差唔多兩年都未去過游, 好似有d "哂".

天公造美, 前幾日都落大雨, 梗係啦, 年年回雞都落架啦, 天怒人怨麻..XDD, 游水果日就沒有落, 仲出太陽添...呵呵. 契女今年兩歲零1個月, 人生第一次游水嚕. 係要好好記載的. (影左幾張相就比人驅趕, 因為唔比影相, 好在快手快腳影左者...)



拖住佢行埋BB池, 唔驚喎, 不過係咁指住自己件"衫"(泳衣)話濕濕....哈哈, 應該係佢唔知果件係泳衣, 驚整濕佢...幾天真無邪呢.

開始個時用水泡, 後尾契女在BB池知道"到地"就連水泡都唔用, 衰妹幾大膽呀!!! 又訓係個水泡上扮超人, 玩得不亦樂乎, 全場叫得最大聲應該係佢.


不過, 最後都"濁"左兩次, 飲左少少水....呵呵, 不過唔緊要啦, 第一次係要"濁"下先得, 如果佢會游第二次, 咁即係話佢第時唔驚游水了...(她媽媽幾怕水, 老豆就游到下咁啦...呵呵, 唔怕, 我自問游水都OK架, 試問幾時見過"海象"唔識游水丫?? XDDD)

好玩左2個鐘, 好似玩左成日咁, 在我屋企沖完涼抖抖, 就去吃飯了.

幾鬼馬~


吃飯契女老豆提議食平靚正, 安定虹橋咁話喎, 好, 又即管試下. 細個果陣, 已經成日比阿媽搚持去那裡飲茶, 大過左之後好耐都冇去了...(其實好似已經易手改名幾次了...不過地點依舊)



4大1細食到抱住個肚, 埋單$400, 嗯...ok 喎, 仲要我地已經叫左5菜1湯...而且d野食都唔錯, 幾好味.

韓國 .濟州. 首爾鴨仔團

嘩哈哈~

明天晚上出發去韓國了, 係14號凌晨0:25機, 所以要13號晚上10:00 集合....

之前已經去過漢城(果時仲未改名)了, 今次主要係之前應承左呀娘陪佢去濟州, 咁岩小琪又攞到假(佢係要好辛苦先攞到假, 因為要就其他"大粒" 的同事), 就6月去嚕~

每次坐夜機, 感覺都好特別, 哈哈...多左一份淒美感.....陳慧嫻都有隻"老歌" 夜機啦...以前好 hit 架. 好, 未出發, 先興奮, 次次去旅行都係咁.....而家已經好holiday mood 了....呵呵呵呵.

在Forza 2 找回失去的

呵呵, 見完呀 e先生貼架車咁令, 我又貼下先~

好多玩 xbox 既人而家都癲左, 日又Forza, 夜又Forza....大B都唔例外, 不過我都算係節制果批...病丫麻...

上面架車係 Acura Integra DC2, 美式大包圍, 大尾翼....冇錯....大B生平第一架車就係佢, 實物同呢張相有90%以上相似...呵呵, 係咪型呢????