激死朕啦!!!

今晚約左去元朗個間聯合醫務醫療中心做冷凍, 特登早d收工(其實日日都....哈哈), 點知個d 護士都唔知點做野--今朝晨咁早就打來confrim appointment, ok啦, 但到晚上我泊緊車時電話響(我冇聽到). 落左車一路行去clinic一路聽返voice mail 至知clinic 打來, 但又唔講咩事, 只係叫我打返去. 個陣時我已經到左clinic 門口, 咁就冇鬼理佢.

入到去照例登記, 我就話"約左七點做冷凍", 佢問我"只是做冷凍定睇醫生?", 我心諗, 佢無野呀, 冷凍梗係醫生做架啦 (但同一時間又比我見到呀黃醫生出來攞本八卦雜誌入房). 我心諗, 正喎, 佢冇客咁我就唔使等咁耐啦(之前起碼等45分鐘).

我話"做冷凍." 跟住佢話"唔好意思, 今日冷凍冇送來, 冇得做. 我地打電話比你, 不過飛左去留言" 我即刻火都來, 我話"你地好似3分鐘前先打比我咋喎" 跟住佢冇聲出...

咁岩我隔離個阿伯又係約左做冷凍, 佢仲烏sir sir 比左張醫療咭個護士碌, 佢聽到我同護士既對話, 佢即刻發難 " 有冇搞X錯呀........(下刪一百字) " 我見佢發左難渣,而個護士又只係識講唔好意思.....唉,咁我再嘈佢都冇用啦....

我覺得佢地應該早d通知我law, 而唔係booking前3分鐘law...好彩間野係元朗, 而好彩我又有揸車姐, 如果唔係你話幾"side"時間丫....

之後點?之後我咪去新元中接小琪law....哈哈!!!