充實的一天

上星期六一早起身去左整車, 哈哈, 唔係我整, 係去車房比師傅整...都係d安全野, 換左個水箱, 拉返緊個handbrake咁...不過個日好哂,好熱...我穿左件背心...點知竟然可以哂到我紅哂, 哈哈....到而家仲痛...應該是哂傷左啦..唉..





整完後, 比預定時間多左...哈哈...其實都預左, 人地幫你整, 都唔可以"吹"人啦...跟手好快咁飛左返屋企沖個涼, 就同小琪出左去老尖睇"My Date with Drew"(又係唔使$...hehe...). 開頭諗住麻麻地,原來好好睇喎, 又搞野, 又有意思...不過如果發生係香港...我覺的應該唔work...哈哈. 睇完戲後, 小琪就去左尖咀MTR等她的大學同學,(時間, 地點都fit哂, 特別安排的麻~) 佢地約左食飯, 而我就"慢慢"咁遊住車河返屯門....因為我都約左同學食飯...嘿嘿!


之後晚上約左小學/中學同學出來聚.....在屯門安定食大排擋, 隊啤酒...哈哈好爽....今次都係我做攪手, 雖然只得六個人, 但都勁開心...傾左好多野...
大家都是一見如故, 可能是已有以往友情的基礎吧...不過有個情況都幾得意, 其中一個同學結了婚(我也有去他的喜宴), 而他的妻子也是我們的中學同學....之後到了他家, 在途中我們也遇到了另一個小學/中學的同學(很多小學同學也是我的中學同學呢), 他正和他的女友吃飯...而他的女友也是我的中學同學.....哈哈...我想說的是....中學真的是一個很神奇的地方,你的女朋友,什至老婆都是你的中學同學......感覺好正......hehe.....