尋晚小琪公司食飯, 我唯有食自己.本來諗住在屋企食叮叮飯(一個麻甩仔冇所謂啦), 點之返到屋企坐左陣, 我契女個老豆就打電話來, 吹左一陣水後, 佢問我食左飯未, 我話未啊, 一條冷食之麻.....哈, 佢諗都唔諗就叫我上佢屋企食....話叫佢老婆煮多d飯云云....初頭我都唔好意思, 突然去佢屋企食飯..但誠情難卻...就去了.
去到佢屋企, 阿嫂已經煮定飯...嘿嘿...不過契女就訓左, 無謂搞醒佢啦...食完飯打左陣機就走了....由屯門返元朗, 大概十五分鐘...本來都係慢慢揸車返去...一來驚有快相, 二來落左雨, 個地都濕濕地...唔想揸咁快...不過我有個唔好習慣...就係見到有其他車快, 自然不自覺自己都會揸快d....
去到虎地左右, 從後鏡見到有架快車湧緊上來, 等佢過左後, 原來係架掃把佬....咁我就比油啦...因為如有快相, 中都係佢中先, 咁有佢做cover, 我又可以快d返屋企...嘿嘿...籍口...不過我過唔到佢, 唔好話過, 直頭追都追唔到, 我諗佢差唔多揸緊over 180km/h(我點知?嘿嘿...自己估下啦...)最後原來佢都係去元朗, 我先好容易先追到佢(因為佢慢左)而同佢差幾個車位...不過唔同路, 最後佢都走左lu....
哈哈, 我而家架車只不過係1500cc家庭車, 並唔係咩跑車, 飛仔車(以前就係.......嘿嘿), 不過我都想揸d高性能既車...如EVO, WRX...呢個係我嗜好...不過養呢d車真係好貴...貴到d$$可以供樓咁滯.係理智戰勝感情既情況下............我選擇左後者(=-=").但有時都想過下癮...唔唔....換車,都係遲d先啦....哈哈!!!
8 則留言:
努力搵錢，
遲ｄ就得啦！
老友，干爸dad!
re fd,
努力中...嘿嘿..
哈哈...我都知寫左出來有人會...嘿嘿.
下次我揸慢d係啦...
死啦,今晚擰耳仔啦!
haha, 睇黎大B哥真係要換車了
換架性能再低d 的車啦, 想快都無得快, haha
re lala,
哈哈, 係呀, 唔會啦, 一係唔揸車, 一係就遲好耐就換架...嘿嘿..
大B哥,
喂老友,你好快d update下喎,
好久沒有睇到你d休默感和抵死的文筆了,
脛都長埋呀!
re FD, 係既係既...
發佈留言