童年往事之一

好,趁有雅興, 講下"舊屎"先.

小琪個野比阿媽訓"企鐵閘", 我細個都有玩過, 不過係自己百厭玩啦...哈哈..都幾犯賤.玩完之後隻腳會好痛, 因為隻腳會zip左係d鐵閘位..穿左拖鞋都唔掂...哈.

細個可以話比呀媽同老豆由細打到大...呀媽就攞滕條"fit",都唔知邊條曲街(香港街名,在紅磡..hehe)發明滕條, 軟軟地, 好似鞭咁fit落d肉度, 真係打到d印好似紋身咁, 周身都係, 比d同學見到哂, 一睇就知比人打喇..... 老豆就"好d"(佢自己以為), 因為驚亂fit會打親第二度(打到眼呀,姑姑呀咪大獲), 咁佢就唔知係邊度笠左條"擔挑"--無錯, 係d阿婆呀, d人返大陸呀前一袋, 後一袋個d...返屋企..收埋一二邊...等要打我地時(我有一個家姐,一個細妹)咁就要我地企定......打手板!!! 而家諗返, 佢都真係癲癲地...下下都會好似人地dup畀外球咁過哂頭打落黎...唔可以縮手, 唔係之個下唔算..我都已經比佢打得勁...不過我家姐比我老豆打得仲勁....到我阿妹個時已經少打左好多喇...好似打得一兩次.

我老豆都試過趕我出街...我係走廊咸, 咸到d鄰居都走來幫手叫我老豆比我入屋...早知個時走人, 睇下佢驚定我驚...XDDDDDDD. 細個時呀媽都唔係好人....成日同我定老豆告狀...等老豆放工返來又開我拖....不過個時唔知點解冇諗過還手....梗係啦...都唔夠佢大力, 唯有坐以待幣啦...

其實我覺得適當既體訓係ok架, 有d靚仔真係唔教唔得...尤其係而家個d...我有個在大陸既長輩個女(即係我表妹啦), 可能係生育政策問題....老豆老母錫到佢燶...而家八,九歲...搞到佢性格霸道...之前成日都一巴二巴咁打佢呀媽..睇到我宜得一腳踢佢去大西洋....咁咪唔識教law...

不過好多時都係睇自己識唔識諗...細過乖又點...唔乖又點....大過之後又可以係另一件事......生仔..都係要深思熟慮呀....電視都有賣啦...一條細路由細細過到讀完大學而家要成400萬呀......邊有咁多$$....400蚊就有!!!