2/9/06~6/9/06 | 京阪神之旅 | DAY 4 | 大阪 蟹道樂

停寫左一日, 又開始寫大阪遊記嚕...
___________________________________________________________________
睇完棒球, 就回道頓既蟹道樂本店食飯.上次東京之行誤打誤撞在歌舞技町食過一次,印象難忘~
入到去唔使等就有位, 可能平日冇咩人....哈哈...都係坐個d大卡位. 今次佢地都有set, 係咩敬老日之類...但係個dset大部份都係d炸物(玩野咩, 敬老set比d炸物出來)...我同小琪都麻麻地...因為覺得食蟹都係食鮮味...不是唔鮮先用來炸嗎?? 所以我地就睇menu去揀啦....睇下小琪幾型...XDDDD


揀左好耐, 花多眼亂....最後要左個"金波"(即係全餐), 有sabu-sabu,刺身, 燒物, 壽司....總共十樣野..另外散叫左蟹膏同蟹蓋.....

先來前菜....係蟹肉沙拉及蟹子凍榚....清甜開胃.


再來蟹腳...


跟住係爐燒蟹蓋, 上面係蟹膏加什菌(咦...double左叫蟹膏添....)我們一路食其他野, 一路由佢煲...突然呀姐走過來手郁郁...原來係話比我地聽食得啦..不過係要撈混食的...味道好特別...燒過既蟹膏好香, 味道十分特別...我地另叫果個係生的蟹膏..嘿嘿


之後係小琪期待已久既刺身.....而我就比較喜歡燒蟹腳啦...


散叫的蟹蓋及蟹膏..


Sabu-Sabu...蟹掉左落去就麻麻地...都係飲個湯者....


都有炸蟹腳...好彩冇叫個敬老餐...炸野真係麻麻..


蟹燉蛋...味道比香港的好味幾倍.....呵呵


壽司又係正野, 唔係用假蟹柳...係用真蟹肉...鮮味..


生果.


比我地食完蟹之殘骸


埋單...成為8xx幾港紙...有成12樣蟹之食....可以接受嚕~


食飽飽...在我同小琪閒聊談及, 這大阪本店不及上次東京果間分店好, 食物和環境都係.....可能先入為主吧; 又或者正如刀巴所說, 今年蟹這材料不大好...須知更好的煮野技巧都要有好的材料為先決.不過總括來說, 下次去日本我們還會再到蟹道樂吃蟹的, 畢竟在香港吃全蟹宴的地方不多吧...而且蟹道樂全日本也有分店...十分方便!!!
__________________________________________________________________
寫寫下都想食....哈....下次要去北海道!!!!!