2/9/06~6/9/06 | 京阪神之旅 | DAY 4 | 大阪 再戰機鋪 かねとり鐘鳥 初探黑門 再戰かねとり Tsutaya Game Floor (B1)

放左幾日假, 都積左好多野未寫, 不過積得最耐既都係遊記...嘿嘿...
___________________________________________________________________
吃過蟹後, 小琪回酒店休息, 我打電話給刀巴一刀, 原來佢地都剛剛回來酒店了...最後一晚在大阪, 點都去盡佢. 刀巴話今早見到個Neo.Geo牌(係我地打開個款game - 拳皇KOF既生產商), 咁我地就去左搵, 不過最後都係去返果晚既機鋪玩. 古語有云, 工欲善其事, 必先利其器 - 個掣都唔就手, 打x咩...打左陣就去食野了..

冇錯, 餐蟹又點夠我飽...嘿嘿...一行三人行左一陣, 來到一間串燒居酒屋...好地道下..而且又唔係燒蓮藕果d野XDD...就入去了....


入到一坐下, 來張合照先...睇下刀巴幾得戚, 全因感覺良好吧...XDDDD


叫野食嚕~不來呢間叫かねとり鐘鳥 - 係主要食雞和雞的其他部位的, 正呀, 大B我除了牛外, 雞都係"賣飛佛"....睇睇餐牌...嗯...日文...唔多識...唯有先試set A.....本來2人份1800yen, 刀巴漢字大法功力深厚....變左3人份2700 yen...呵呵....
こころ(心) すなずり(胃)
合鴨(鴨肉) きも(肝)
手羽(中翼) ねぎ間(上痺肉)

哇~好味呀....尤其係きも(肝)和すなずり(胃), 以前真的沒有吃過...原來可以咁玩法 ~耶 ~意尤未盡, 再叫...叫set B試下...呢個set係以卷物為主...都係美味非常...
じゃがいもベーコン卷 (薯仔煙肉卷)
ししとうベーコン卷 (青椒仔煙肉卷)
アスパラ豚肉卷 (露荀豬肉卷)
しそ牛肉卷 (紫蘇葉牛肉卷)

果晚矛飲啤lu, 如果唔係仲正.....好了, 想想去第二處看看其他野吃..就"暫別"此店(嘿嘿..好野梗唔會咁易放過...) 臨走同阿大叔拍照留念...


出左門口, 刀巴話去黑門市場, 因果度有24小時既超市(中川)...又有魚生賣...咁筍??! 我梗話好, 未去麻.....去到果然係"黑"門 ...因那時已凌晨2時了....哈哈!!!


去到中川, 行逛了一番, 買了海膽及巨峰提子.....不消十分鐘, 那板海膽就被我們消滅了~耶~


嘿嘿嘿...故事仲未完~我地一路行一路都唔見有d咩好野食店, 而且唔知典解大B深信/直覺呀鐘鳥大叔唔止咁少野...呵呵, 我向刀巴一才直抒己見, 又難得認同...哇, 就又直奔鐘鳥了....

鐘鳥真係愈夜愈旺...頭先都冇人, 今次就有兩位大叔在飲酒, 又有一男一女(熟客)在吃東東....我們也不敢怠慢...坐好就點野食了....先來"卡嚕B"(唔係卡樂B)
骨付カルビ (牛仔骨)
呢個時間有燒牛仔骨吃, 好難得的了...所以份外好味道!!!!

跟住係蠔?!.....矛錯...係蠔...呀鐘鳥大叔唔知典解收收埋埋...哈哈..比我地問下問下先拿出來...係唔係咁正先??


我地要左三隻...嘿嘿..盡收佢既珍藏....呢隻蠔肥美肉厚, 做刺身一流(其實開頭我以為佢會做燒蠔), 加上呀大叔既刀功...原來蠔係可以咁食, 口感好好喎!!!

食完陸地, 海裡, 就要食埋天上既...嘿嘿...海陸空麻....就佢啦...禾花雀...呢樣大B有經驗, 以前返廣州, 姑姐姑丈知我喜愛, 時常都買給我吃, 不過近來少了, 可能係人們多吃之過....哈哈, 今次有幸再見"飛天人參"(禾花雀的別稱, 可見好補身的)....仲要係燒禾花雀...耶~



差不多了....嘿嘿..我們見人點鰻魚...又跟住叫...燒鰻魚麻..也要吃吃...


今次真的吃飽飽走了........刀巴一才去幫朋友買CD, 我也去趁熱鬧....再到了地下一階的賣game地方..影了相, 作了証....我們是一起打機打大的; 人大了, 玩意也多, 不過遊戲機始終是我們兄弟二人成長時期的同伴, 不離不棄的同伴啊...人生有真正朋友~~的確好野~~飲勝~~ XDDDD


大B在大阪最後一夜就係咁, 係好飽既情況下完結......不過刀巴一才好似仲有行程...而且仲好激下添...XDDDD
___________________________________________________________________
寫到呢度, 完左四日....好快就"拉屎"一日了......上面既相係盜連刀巴的....嘿嘿...因為果晚大B冇帶相機耶~