泰國4天勁Relaxing之旅 -Day 1

去到機場, 影張相先, 果陣係早上6點左右, 好似之前咁講, 大B仲係好呆下....


去泰國, 梗係坐泰航啦...不過佢地d飛機餐認真麻麻...食到我同小琪都唔係好想食...都係國泰好d喎


坐左3個鐘左右, 好快去到曼谷新機場, 不過係灰灰暗暗的, 不夠香港的光猛. 因為小琪一早已約左機場來回接送(等我地唔使走去搭的士 - 在泰國搭的士又有一d技巧, 之後再講), 出到閘口阿Davit已經舉哂名牌咁歡迎我地(張相係我地未表露身份時候影既, 一我地一響朵, 佢d笑容即刻出來...呵呵)


嘻嘻, 我趁阿Davit去攞車時, 食返支泰國第一支煙先, 記得上次去到大阪出左機場又係即刻食煙, 不過果次有刀巴陪,感覺好好多~


呢架就係我地搭既車, 不知名VW七人車....哈哈, 呢度有個笑位, 可能大B坐慣車頭位, 明明後面我地4個人坐係好舒服, 但係我都走左去坐司機旁, 小琪仲笑我低能仔......不過又係, 之後第二次我住返後面, 頂...闊大到可以"浪"腳(之後全程都除左對拖鞋打橫豎隻腳上去....哈哈)


由機場去酒店要差唔多一粒鐘, 慣例係車睇下風景, 了解下當地民生....哈哈. 不過因為早起身, 都係頂唔順眠左陣, 好快就到酒店了...我地住Bangkok Marriot Resort &Spa


呢間野我地揀左好耐先決定, 因為唔近市中心, 不過又有渡假feel.... 好彩最後都冇揀錯...Show下酒店d景先~
大堂 周圍
馬頭
泳池 房景

好, 休息左一陣和在酒店遊蕩完畢後, 係時間出去親身感受一下曼谷真實既一面啦.....
___________________________________________________________________
抖陣先, 一陣再寫~