呵呵, 巧耐冇寫朴了....而家寫返, 就搞搞新意思, 轉一轉版面, 唔使黑沉沉的~
好多野積住, 唔知寫咩先..泰國遊, 濕地公園等....好漫長下...唯有爽住寫好了...
-------------------------------------------------------------------------------------
契女一家由1月初返左鄉下, 到3月尾先返來, 搞到我鬼死咁掛住佢. 上星期就去左探佢囉~帶左幾個由環球嘉年華掟返來的毛公仔比佢, 點知佢老豆話而家佢鐘意玩波呀, 車仔呀多d...哈哈!!成個男仔頭, 等我下次試下買d玩具槍呀, 飛機大砲過佢先....嘿嘿...
逗完佢玩一輪, 重頭戲都係要佢叫我同小琪...呵呵, 我拍左片呀, Yeah!!!
係唔係好得意呢...雖然同佢玩真係幾累....不過都好開心呵..
尋晚契女老豆又打比我, 話恩恩好掛住我地...今個星期日我又會去逗佢玩了...呵呵呵呵..
4 則留言:
真係好耐無見喎,
以為你唔寫啦~!
好彩你重寫返,
我一定踏場!
你咁鍾意細路哥,不如生返個啦! =p
呵呵, 新鮮人真係多謝哂, 出左po 冇耐就見到你了...
寫呀..咩唔寫..之前忙打機麻..XDDDD
嘩, 我以為你個blog胎死腹中添
lala,
呵呵, 試過西醫, 中醫, 奇門遁甲, 標童, 自然療法等等...都好似救唔返...唯有大B哥大筆一揮, 個blog又起死回生喎...不過唔知係唔係回光反照呢...呵呵..
發佈留言