谷鬼氣

就來要報稅, 都唔係咁開心(又要進貢比正苦去"大幅"加成日行政失當既"公僕")...仲要受之前公司個HR氣....唉...

話說我上年4月25號離職, 舊公司理應比返由4月1-24日果個報稅單我. 我昨天打去找HR, 有個女人話寄哂出去, 我話當然收唔到呢..佢話check下, 轉頭覆我....佢態度真係麻麻地...我自問好好禮貌, 唔該前, 唔該後..我心諗, 我唔使"卸"佢, 我又唔係佢職員...不過由佢, 我唔同女人計....

等呀等...3個鐘都未覆我, 咁我又打去啦, 點知佢有D發脾氣, 說 " 喂, 兩三個鐘者, 仲check 緊, 放工前覆你啦" cut 左線....我真係想同佢講 " 呵呵, 老姐, 我唔知妳d辦事效率咁低.....搞dd野都搞咁耐...", 不過都係好客氣咁說麻煩了佢...

終於昨天佢都係冇覆我.....唉....今天早上, 我再打去,(因為6月2 日前要填好寄去稅局啦..), 佢又話10分鐘覆我.....半個鐘後, 佢真係打來, 不過佢懶係認真同寸咁講, "呀大B哥, 我係XXXX 公司 HR XX, 我在7月已經寄左報稅單去XXX地址, 你而家要copy都得, 你要上來拿, 同埋要收$, 20蚊!!! 仲有, 係你而家欠緊公司$, 你上來時記住帶埋張cheque, 封register mail都已經寄左去XXX地址....."
我話我兩封都冇收過, 佢話你上來check下囉!! (我心諗, check咩Q丫, 你果度係郵局咩).....

最谷x氣係話我 欠佢$. 上年走果陣時佢地已經用d手段( 早gen. report出來, 顯示個客未找$, 扣我之前出左既bonus) 想唔比埋d尾數我....最後我去勞工處, 由勞工處比封信個HR Director, 話佢地扣起我d糧...要作調解.佢地先主動再gen多次report, 結果全部冇問題!!!

你收唔到d客$, 反過來話我欠你公司$, 冇野呀?! 員工走左, d客冇找$, 你追個"前"員工; d客找哂$, 又唔見你比返d$我??!! 唔係大公司就惡哂, 條HR女扮X哂野....真係問侯佢, 佢老味丫.

P.S. 我剛剛打左去稅局, 佢地話只要估計到果十多天既人工就可以了....呵呵, 我心諗..會唔會唔準確呀??不過諗深一層, 正苦好多時都係估估下架啦......