2/9/06~6/9/06 | 京阪神之旅 | DAY 1 | 香港 上機

哈哈!!! 我返來啦!!!(其實星期三晚已返港)...點解而家先寫扑呢...因為..一係懶..嘿嘿..二係要整理907張相片, 茅錯, 五日四夜影左9百張相, 仲有d係刀巴度未計嚕~工程之浩大可想而之. XDDDDD

好, 唔講咁多, 即刻去片~~ (呢次我盡量用順序法..小學都有教啦...不過唔排除中間加插其他唔知幾時發生既事, 你知啦, 老啦, 記性差....睇得明就明, 唔明都茅辦法嚕 XDDDDD)

___________________________________________________________________

9月2日早上7點幾, 我同小琪已經拖住一個大喼浩浩蕩蕩咁踏上征途, 而同行既仲有之前已經亮過相既阿惡(嘿嘿...小琪同佢改的名, 唔好問我, 我都唔知W~H~Y!!)...睇下佢幾神氣, 有青馬橋做背景的啊!!! 雖則係10:10機, 但我同小琪在08:35已經到左機場, 約左刀巴和一才08:45, 咁就坐定定等"團友"嚕.

等齊人就check-in 啦, 因為係group ticket, 所以要一齊check-in, 我心諗, 是但一個大家利是唔去都可能幾大獲..不過唔緊要,再大獲d既都有, 就係原來我地呢d所謂e-ticket 係可以online check-in架, 聽呀空姐姐姐講好多人check哂in, 我地四個要分開坐........我同刀巴八眼互望, 呆左呆, 心諗, 唔係麻, 咁快就玩野...哈哈...我同小琪係咁叫呀空姐幫幫手啦, 佢都係答可以mark個message比機門前個同事喎....咁即係痾可啦....

不過我地四個"自由行"唔會就咁比佢影響到心情既, 話哂同小琪去日本;又可以同十幾年兄弟一齊去旅行, 感覺良好麻....哈哈...者咁, 我地又繼續嘻嘻哈哈咁去到閘口等上機喇.....係呢個時間, 我又發輝我既出色銷售員既本色, 就係上前搵呀閘口空姐姐姐搭訕...同佢講我地有四個人, 遲左check-in, 不過想坐埋一齊...佢就好好人咁幫我左執右執, 終於我地兩pair人前後兩行一齊坐(之前係四個單丁的),嘩....超感動, 我地四個即刻開心哂....我仲同刀巴趁上機前去抽煙室抽香港最後一支煙添.....感動again; 兒時同刀巴喜歡打機(其實而家都係...嘿嘿), 已相約第日有機會就一齊去日本同架仔打(機).....哈哈, 估唔到在十多年後夢想成真, 好感動呀......又之前刀巴抽煙, 我仲勸佢抽少d煙...哈哈, 點知而家同佢一齊抽.....有d野真係.......XDDDD....抽完煙就上機了....哈哈.....香港拜拜, 大阪~我來了...

___________________________________________________________________

睇下睇下.... 未上機都寫幾百字, 我睇呢五日日本之旅有排寫啦...哈哈!!!