2/9/06~6/9/06 | 京阪神之旅 | DAY 1 | 大阪 關西國際空港 難波站

好, 話咁快, 在飛機上四個鐘就過左啦, 我都係食左飛機餐(見阿惡張相)同睇左套"至尊無賴"之麻.XDDDDD

到左關西國際空港,過左日本關(都排左好耐下,成幾廿人排,得三個櫃位, 唉架仔呀架仔....拜託啦...) 後已經係下午3時多(日本快香港一句鐘, 之後所講既時間都係日本時間嚕~容易代入麻..嘿嘿), 就即刻去搵買關西火車証(Kansai Thru Pass)既地方, 不得不佩服架仔地方, 好容易就搵到買pass既地方了...不過要填東東(pass只賣給外國人)呢d咁重要既野梗係小琪處理啦...我就同刀巴四圍行下, 順便出去抽煙了...人生中,兄弟二人,踏足日本的第一根煙, 大B又感動起來..超酷!!!我們真的手舞足動地大叫起來了.....

最後買左三日thru pass, 可以話係通行冇阻(除左JR).....而且覺得日本人d英文都唔錯...上二樓出左機場,行幾步就去到南海電鐵既空港駅, 好簡單姐...XDDD落到下面, 有架電車在等開, 一睇, 寫住"急行-なんば"(難波站)....但係冇咩人, 有d架仔又係月台個counter唔知做咩.... 原來係補$, 因去難波站(酒店在此附近),有急行(慢)同特急-Rapid Beta (ラビートβ) (快);前者雖早開十分鐘, 但行走時間要一個鐘多d, 而 ラビートβ就40分鐘唔使. 我地就算有pass都要每人補500yen, 不過為左快d到酒店, 又可以有架"靚仔"d既火車搭(見相藍色的就是), 燒賣就燒賣啦...嘿嘿..(總算第一次遇到溝通上問題,好在刀巴略懂日文, 又有漢字急救大法,我們一行四人在以後路程才迎刃有餘...哈哈, 就此謝過!!!



日本電車都係第一次搭, 上次東京之行都冇機會搭...又係人生第一次嚕, 梗係周圍影下相啦..好快35分鐘就過, 就到左難波站喇(又要讚下架仔, 佢地d公共交通工具真係非常準時, 整個旅程都可以感受得到)

___________________________________________________________________

哈哈...寫到有d累...明天再寫吧...一開頭已經講過, 呢個遊記有排寫嚕~~ ^0^

(編按:唔知點解blogger唔比我upload多過3張相....唉...係時候諗下計仔了...)