2/9/06~6/9/06 | 京阪神之旅 | DAY 1 | 大阪 酒店 道頓崛

哈~各位好, 終於解決左我心中既疑團啦(blogger upload 相的問題)...解決左問題, 就再寫遊記嚕!(眼見刀巴同一才都寫到第四日喇..我仲未到酒店..哈哈哈哈~) 經FD同pegpeg既提醒,加上小琪既說教(嘿嘿)決定唔打格仔喇(刀巴,一才放心, 你地會打的)等大家睇得暢快d...一笑
___________________________________________________________________

上回講到我地一行四人唔經唔覺已經到左大阪難波站, 咁我地就一支箭咁睇下咩出口出啦, 睇左一陣, 都係有d猶疑,咁唯有問車站職員嚕(我同刀巴都有個共識,就係問路係要搵架妹問的喇..嘻嘻)指手劃腳一輪, 知道邊個出口, 就一口氣衝去酒店了.


返到酒店後, 第一時間打開window睇下出面個景....唔...冇咩景可言........右上角紅紅地係道頓崛既摩天輪


___________________________________________________________________

去完厠所搞一輪(都係個d啦), 集合刀氐夫婦就落街了, 冇錯係落街, 不過係大阪街頭...呵呵..其實個時已經差不多六點了, 個肚又餓--個飛機餐完全唔掂, 我已經出名鐘意食飛機餐架啦...點知...唉...加上我地第一日係有行程的, 嘿嘿...咁咁岩見到酒店轉彎已經有大阪名物-燒章魚丸, 咁就諗住pak半打先啦...而刀巴同一才就繼續四圍行及為之後既行程做定位了.

圖中呢架白色大benz,係我此行見到最型既...新款S500, 車牌55-55, 大包圍+load 低, 最型係一個架妹揸架,型爆!!!


食完半打丸後, 我同小琪便在道頓周圍行下, 我地間酒店個位置真係好good, 落去轉個彎就係道頓, 馬路都唔使過...哈哈..行下又影下相, 行到蟹道樂既本店(之後有一晚我地食呢間做晚餐)見到門外有炭火燒蟹腳, 當然不會錯過....嘩...雖然要企係街邊食, 我同小琪都不亦樂乎, 旅行麻, 愉快心情+美食...正!!!


不過,天有不測之風雲.....小琪竟然冇帶佢預先買左既靚靚背心...我地就去買衫了..又係第一次在日本買衫...本來想搵Uniqlo, 貪佢平d, 我地又識, 但搵極都搵唔到(後尾先知係隔一條街).. 哈哈,咁唯有在道頓是但了....而個度都有好多賣衫的, 有d都幾潮下(之後既行程見到好多鬼五馬綠既架仔架妹) 入到鋪頭, 個架妹sales唔知講咩, 一輪咀機關槍咁係咁用日文射我同小琪...嘿嘿..搞左一輪先買到一件, 之後去Uniqlo買多兩件...哈哈!!!


買完衫, 行多陣, 就同刀巴和一才集合, 出發到梅田-空中庭園展望台去!!
___________________________________________________________________
寫到有d累添, 冇咩靈感... 抽口煙再寫~~