2/9/06~6/9/06 | 京阪神之旅 | DAY 2 | 神戶 異人館 三ノ宮神戶牛晚餐 LAWSON買飛

好, 話咁快又去神戶啦...不過...仲係第二天嚕~
___________________________________________________________________
去神戶其實唔好好遠, 搭特急大約30-45分鐘左右...不過就要轉阪急電鐵, 唔搭JR啦, 因為我地買左3 days pass麻, 第三日去埋京都都係靠呢個pass 咋....


本來之前諗住去手塚紀念館睇睇, 不過去到神戶已經4點幾, 手塚又刪得早(刪5點)...到左神戶....唔..其實我同小琪都唔知去邊(嘿嘿,懶做功課)只是知晚餐要吃神戶牛....呵呵....不過, 我地係唔可以side時間架...決定去異人館.聽個名好似好得意......但係唔好有咩寄望囉....嘻嘻...


我地 d pass其實可以搭神戶d地鐵及市營巴士, 不過見到個cityloop(循環線)又幾方便, 就搭了...


到左異人館(其實係以前外國人在神戶住既地方),四圍行下, 好似冇咩特別, 左影右影....


返來啦...



見到有架全黑沙灘車, 嘩..好靚仔下...又影...嘿嘿.


不過原來最大收獲係去左間cafe食tea, 悠閒地食, d野食都好好味....又同老闆娘合照了XDDDD


阿惡正幫手plan行程呢, 佢話好近遮....


食飽飽, 即刻趕搭1810既cityloop返阪神既地鐵站, 去找今天既重頭戲-神戶牛食店.(呵呵, 比刀巴感染了, 食多d,食多d,食多d~)
___________________________________________________________________

呢間在三ノ宮的神戶牛食店係鐵板燒為主, 找了一陣才找到. 入到入面, 都幾多人, 好彩有位, service都唔錯, 但個格局有d似之前在台灣士林吃的鐵板燒!?


侍應基喱咕嚕,都係唔知講咩...佢地開始明白我地係遊客...拿了兩本英門menu來...哈哈...好!!!
左揀右揀, 我同小琪分別要左個5千幾yen同4千幾yen既牛餐, 一塊係排一塊係肉眼掛...我雖然係鐘意食牛, 但都唔係咁識分...嘿嘿...都係睇價錢囉, 叫左第二三貴兩個set(最貴6千幾yen, 研究過係多左d海鮮嚕~牛材料一樣...今次係食牛,食海鮮梗係第二度食啦...心諗!)


呀林子聰廚師(茅錯, 我同小琪都覺得佢好似)好細心咁用日文問我地想點食...又係基喱咕嚕..哈哈..我同小琪又係呆左係度傻笑...連隔鄰pair日本情侶都笑了...哈哈!!! 之後林子聰用英文問返, 哦..原來係問我地想raw, medium or well done...我本來想食raw, 不過都係medium好了...


除左神戶牛,仲有其他配角....最特別係果個燒蒜片...好香好脆口, 刀巴應會喜歡..呵.


師傅好好心機咁烹調我們的晚餐, 我又好忙咁係度亂影一通...呵呵..


之前東京鴨仔團其實都食過神戶牛, 印象不太好;但今次去左d地道d既食店, 感覺良好..味道更超班, 的而且確入口鬆軟, 牛味恰到好處, 花紋(霜降)平均...可能去唔到A5, 但味道加上氣氛環境,收貨了.XDDDDDDD
大B哥Set:


小琪Set:


吃得飽飽的...有獎狀呢...影影相, 作個証...嘿嘿....又在門口影影相留念.....


在附近行多一陣就返大阪會合刀巴了...因為我地要為第四天去甲子園睇棒球而買飛嚕~ 不過貪玩的我們, 又見有時間, 就去左梅田的Hep Five處走走...Hep Five係一個大型商場...佢個landmark係有條紅色大鯨魚和有個大摩天輪...又去玩了....上到去都係睇下夜景, 不過人家就未試過在市區玩摩天輪麻....嘿嘿....見個可樂廣告牌幾靚,又影嚕~唉..日本....咩都靚D....XDDDDDDDDD


玩完係時候返去了....搭地車時見過呢張野幾次...就影低佢啦....又見到月台上有拉麵店...嘩...勁呀..如果下次有時間一定試.....


返到酒店集合刀巴各一才, 就到附近的Lawson便利店買甲子園飛...原來係有部機比人online買既, 不過全日文, 冇英文, 只好找人幫忙...(借了刀巴相嚕~) 初時係個女仔店員幫忙...唔知幾時又走左個便衣呀叔出來...仲好熱心咁用部機個電話問人(我諗係部機間公司既支援)


跟住去比$及print d 飛出來, yeah!!!! 可以肯定能夠踏足甲子園了....開心哂...


左面, 甲子園飛 - 阪神vs巨人 ; 右面, 京都嵯峨野小火車車票


之後去左道頓找"夫婦善哉"食糖水, 但怎找也找不到..最後便返酒店了....預備第三天-京都之行.

~第二天完~
___________________________________________________________________ 休息下先....等一下再寫...