2/9/06~6/9/06 | 京阪神之旅 | DAY 3 | 京都 渡月橋 嵯峨觀光小火車

寫到第三日, 完成左一半啦, 快d寫埋佢先....
___________________________________________________________________
柯蝦唷個揸衣媽~到左旅程既第三日, 我同小琪會落京都;而刀巴同一才就去白濱嚕,所以果朝一早我地就各自出發了.不過出發之前在酒店吃了昨晚在Lawson買的飯團先...味道麻麻地...


GoGoGo~由難波站到梅田站, 再轉阪急京都線去到嵐出站下車, 全程大約1小時10分左右; 因為第一日在機場買 Day Pass 既Counter已經買埋今天的嵯峨觀光小火車既11:40飛,所以我地9:30已開始起行了.


在火車上拍拍照, 睇下風景....見住d景由城市變做郊區嚕~話咁快就地左嵐山站喇.




落左火車, 小琪又去買雪條食XDDDD.我就去睇下個遊覽路線圖...嗯嗯..11:00了..我地要由嵐山站徒步行去嵯峨小火車(JR嵐山站), 會經過渡月橋和一些神社, 有時間就睇下, 冇時間就行躇~行行下見到個入錢厠所, 好搞野...


沿途風景美麗, 空氣更是清新...雖然熱左些少, 但都可以接受.....


過左橋後, 到左條商店街既物體...一路行一路隨便拍拍, 因為--火車係唔等人架!!!


京都大部份景點都有人力車坐....不過好老實, 大B哥都差唔多成200磅, 係咁熱既天時要人同我拉車實在過意不去.....都係自己行算罷啦...年青人....


不過, 一兩個飯團又點夠我食丫, 又肚餓了, 在街邊買佢話京都名物-天婦羅薯仔(薯餅)食...都幾好味..好脆喲!!

__________________________________________________________________

到左嵯峨小火車站, 好彩趕到, 仲有時間影下相添, yeah!!!


嵯峨小火車係個d傳統款式既火車頭, 車卡都係舊式的, 好有懷舊feel, 行車要30分鐘, 到龜岡下車.火車時快時慢, 讓遊客有機會欣賞保津川既風景; 又會經過幾條隨道, 因為冇車窗, 感受什深嚕~


阿惡又出來搞事...


好似入緊去唔知邊度咁...好神秘下喎....如果有人兄覺得呢d山景河景香港都有啦....哈哈,可能係, 但坐住火車遊歷又係另一番感受嚕~


下面個條河叫保津川, 有本地架仔架妹玩急流的, 我同小琪冇玩, d河水好似好急, 有d牙煙...旅遊保可唔包啊.....


心情很好, 就硬着頭皮找車長合照.....起初他以後我們是台灣人, 我們也向他說個明白.....差唔多到站的時候, 他還用咪唱起歌來呢...嘻嘻...


到站後, 有狸貓接車喎, 哈哈.....我地在站內周圍睇下野, 唔知之後點行, 嘿嘿...因為好似第一日去展望台咁, 眼見唔到我地要去既地方(JR馬崛站).....只望到好大片田野...嘩...好靚下喎, 不過唔心急落去住, 問左路, 影左相先..嘿嘿..


行左8分鐘左右, 經過頭先見到既田, 嘩...唔臭喎, 冇豬屎味喎, 小琪仲走左入去田中間影相添...到左JR馬崛站, 日本電車月台好多都有專為煙民而設既喫煙區, 真係好, 可以攞正牌抽煙之餘又唔會煙到其他乘客...嗯嗯...我鍾意喎!!!


我地就搭JR(第一次搭JR嚕)去返京都市中心(JR圓町駅),呢道冇咩特別遊樂,係去名勝金閣寺.

___________________________________________________________________
分一分段, 唔好咁亂.嘻嘻.