2/9/06~6/9/06 | 京阪神之旅 | DAY 3 | 京都 麥噹噹 金閣寺 魚心壽司 清水寺 二年板 三年板

岩岩約左刀巴下星期哂好d相後約出來一齊睇相.....好..快快手手寫埋第三日先....
___________________________________________________________________
去金閣寺之前,梗係醫左肚先....經過間麥噹噹,自自然然走左入去, 學左刀巴既絕學-少食多餐一齊share, 但求咩都試d同試到, 就叫左個炸蝦漢堡試下....日本既野好聽d叫精緻,唔好聽叫細件, 呢個漢堡都幾細個下...不過又幾好味...個包軟軟熟熟的...正


各位唔好眨眼, 金閣寺出場....唔...其實都冇咩特別....金色的寺...好似唔可以入去...哈哈...就影下相算了...


走人, 就去食正式既lunch喇, 我地去左魚心壽司吃....本來諗住係去錦市場的, 但轉一轉行程....唔..魚心麻...旅遊書有介紹...因為在日本, 所以日本味好重...嘿嘿...不過入到去冇咩人, 我地就揀bar枱坐低....


都唔知食咩好, 就叫set啦...嘩..好抵吃, 因為是下午的關係吧(日本晚餐會貴d的).....兩個set才1900yen多d, 有十幾廿舊壽司...香港都唔得啦....開動嚕~


呀師傅仔見我舉機影佢做手握壽司, 仲擺埋鋪屎比我影添....果然係對慣遊客喎...


食完後, 我同小琪都覺得只可以用抵食來形容...不是什麼一流的好貨色...一分錢一分貨既道理咩地方都用得到啊.
___________________________________________________________________
去搭巴士嚕...今天京都我們都係用pass, 巴士也可以用啊, 慳返唔少呢....落左車就到我地要去既清水寺---既山腳...嘩...好似好高喎...好彩條路周圍都有唔同既鋪頭...一路行一路睇...見到藝妓呢...咁熱個天氣, 個莊都唔溶..利害...


終於到了....清水寺....不過我諗如果春天-櫻花,秋天-紅葉果時來睇仲靚....


唔用釘, 只靠筍位碼實成間寺, 賣點所在...


小琪都唔執輸去整杯聖水飲呢XDDDDD但佢一滴都冇留返比我.....


行返落去係二年板, 三年板.....果時已經5點幾....有d鋪頭都刪門了...又有人力車喎...唔該車埋...


遊完兩個寺後, 對京都文化都有d認識...嘿嘿....不過我對食既文化有興趣多d....抱住不走回頭路既宗旨...我地搭車去左之前lunch果時想去既錦市場...不過真係好多地方刪了....只得小鋪三四間, 海鮮就不敢買了...反而買了之後大讚好野既水密桃....係小琪要買的, 係識d野喎....


臨走去左間快餐店既物體食左個宇治金時....好好味架呢.....又買左個洋果子(蛋糕)返酒店吃...

__________________________________________________________________
嘩...一口氣寫左好多野...不過第三日仲未完....返到酒店...估唔到去左白濱, 本來話可能凌晨返或者唔返既刀巴同一才竟然返左酒店....哈哈...果晚將有大事發生呀...