傍晚時份, 電話響, 睇到來電係契女屋企, 以為係佢老豆係屋企打比我, 點知接過電話就聽到lee lee lrn lrn...哈哈, 原來係契女打比我. 冇錯, 佢係好"寸"咁打比我, 呢次已經係第二次....嘿嘿...
旁邊聽到阿嫂問佢(契女)打比邊個.......吹漲...真係自己打電話來...一係我老友好比面咁屋企電話只係save起我個手提.....應該唔會囉...
同契女擾攘期間, 阿嫂好不遺餘力咁叫個女對住電話叫"契爺"....哈哈, 由佢出世等到而家, 終於呀契女好叻咁真係叫左聲"契爺", 咬字雖然唔係好正, 不過兩個發音就好準....好開心!!! 試圖叫佢叫多次...不過都係失敗呢.....呵呵...之後打比佢老豆, 話佢個女點寸法....佢話未算, 而家契女見親車都以為係契爺..... -_- ........唔係麻.....咁大獲..
就到聖誕, 怕且今年聖誕節佢份聖誕禮物都唔可以細份....可能唔止一份添....哈哈, 一定要種壞佢先得...嘿嘿嘿嘿...
契女近照 - 在會所影的, 佢玩得好開心......我地就.........
6 則留言:
我都想有人種壞呀，
咁係唔係有禮物先？ ：ｐ
ｐｓ：有煙無火仲慘呀！
好可愛的B女呀
哈哈,新鮮人, 你唔種都壞啦..在家唔會冇火吧..呵呵, 通常都係冇煙..
yuyu, 係呀..好Q架佢..
haha, 唔明點解契爺會=車?
你之前買過車俾佢玩呀? haha
咁唔好送飛機俾佢喎, 我怕佢真係要坐飛機呀, haha
你都應該幾鐘意細路b
你不如生番個小b啦...
lala,
呵呵, 因為佢成日坐我車, 而家佢見到車車都以為係我囉..
pegpeg,
唔..生小b...遲d先...都係覺得玩人地個女好d...XDDD
發佈留言