大行?好巴閉咩?

又到交稅時候, 平時儲唔到$, 就要借tax loan交稅....好彩而家d銀行競爭劇烈, 攪到d息都唔係好高.不過我係冇咩都唔好煩果d人, 用開匯豐就用匯豐, 方便麻.

時間預鬆少少, 我在上兩個半星期已經打電話去申請, 又在第二日已補交所須文件.等呀等, 到左上星期五, 我再打去催下點解咁耐都未批.....都係d官方口吻, 話幫我抽出來睇下...不過通常都要7-10個工作天...好, 我就等埋佢星期一.

我星期一再打去, 佢先話唔批, 會有信寄比我. 我話寄信比我有鬼用, 係咩原因唔批?佢又話唔清楚.咁我就叫佢"掃把"聽電話. 又話開會又呢樣果樣....

我最憎就係, 你係大行...我借果少少你唔置在, 你都唔好拖我兩個幾禮拜先話唔批比我丫!!!下個月就要交稅啦....我又少左好多時間去申請其他銀行d tax loan 啦...你唔借比我, 都唔想其他銀行做唔到生意借比我??

果經理夾過口供喎, 話岩岩開完會, 成夜晚9點幾先打比我, 我就嘈左佢一輪就算....都改變唔到d咩, 算啦..
.
我尋日就即刻打去豐明申請, 又係搞笑 -- 今日打電話去, 明天fax文件, 要4 個工作天先批; 明天打去, 明天五點前fax 文件, 就30分鐘搞掂. 咁我緊係明天先一次過做啦....咁低能既policy都有.

好, 我在第二天早上11點再打電話去申請, 之後即刻fax文件, 轉頭就有人打來confirm資料.....再過一個鐘左右, 在12.30已經有豐明分行既職員打比我話批左, 可以落去分行攞cheque. 全部唔使一日, 我就在當日6點攞左 cheque了. 我唔係豐明舊客, 只係walk in 客; 我用左 匯豐好耐, 又係果度出糧, 係有P. Loan, 不過期期都準時還, 因為係auto pay.

豐明呢d咪service囉, 只係你匯豐有錢借???我呸. 搞左兩個禮拜唔批我呢個舊客果1萬幾千 tax loan??? 係唔信我定係驚我冇$還?? XX佢丫!! 我完全冇幫襯過豐明, 不過人地兩三個鐘就批啦..

我決定還哂 d P.Loan比佢之後即轉bank service, 邊度都好,總之唔係匯豐同恆生啦!!!!